Video: මලල ක්‍රීඩාවේ පළමු දිනයෙන්ම පදක්කම් 6ක් නිලානීගෙන් රන් පදක්කමක්
දකුණු ආසියානු ක්‍රීඩා උළෙලේ මලල ක්‍රීඩා තරග ආරම්භ වූ, අද දවසේ රන් පදක්කමක් ඇතුළුව පදක්කම් හයක් දිනා ගැනීමට ශ්‍රී ලංකා කණ්ඩායම සමත් විය.
නිලානී රත්නායක තමන්ව කණ්ඩායමට ඇතුළත් කරගැනීමට වටිනාකමක් ලබා දෙමින් මීටර් 1500 ඉසව්වෙන් රන් පදක්කම දිනා දීමට සමත් වූවාය. මීටර් 3000 ඉසව්ව තරගාවලියෙන් ඉවත් කිරීමෙන් පසුව ඇයට දකුණු ආසියානු ක්‍රීඩා දොර වැසුනද, හිරුණි විජේරත්න විසින් නිලානීට මීටර් 5000 ඉසව්ව ලබා දීම හේතුවෙන් සාග් කණ්ඩායම සමග එක්වීමේ අවස්ථාව නිලානීට හිමිවිය.
එසේම මීටර් 1500 ඉසව්වේ ශ්‍රී ලංකා වාර්තාව හිමි නිමාලී ලියනාරච්චි හදිසියේ අනතුරකට ලක්වීම හේතුවෙන්, ඇයට තරගාවලියෙන් ඉවත් වූ අතර, නිලානීව ඒ වෙනුවට මීටර් 1500 ඉසව්වට ඇතුළත් කළේය.
මේ අතර, කාගේත් අවධානයට ලක්වූයේ දකුණු ආසියාවේ වේගවත්ම ක්‍රීඩකයා හා ක්‍රීඩිකාව තෝරන මීටර් 100 ඉසව් වෙතයි.
මෙහි පිරිමි ඉසව්වේ දී, පසුගියවර ශූරයා වූ හිමාෂ ඒෂාන්ගෙන් කිරුළ උදුරා ගැනීමට මාලදිවයින් ක්‍රීඩක සයිඩ් හසාන් සමත් වූයේ අවසන් රේඛාවේ දී හිමාෂව අභිබවා යමිනි. හසන් තත්පර 10.49 ක කාලයක් වාර්තා කළ අතර, හිමාෂ වාර්තා කළ කාලය තත්පර 10.49 ක් වේ.
එහි කාන්තා ඉසව්වේ දී ප්‍රභල ඉන්දියානු ක්‍රීඩිකාවන්ට අභියෝගයක් වෙමින් අමාෂා ද සිල්වා හා ලක්ෂිකා සුගන්ධී තරග කළ අතර, අවසන් රේඛාවේ දී ඉන්දියානු ක්‍රීඩිකාව වූ අර්චනා සුසීන්ත් තත්පර 11.80 ක දක්ෂතාවක් සමගින් රන් පදක්කම දිනා ගත්තාය. මෙහිදී අමාෂා තත්පර 11.82 වාර්තා කරමින් රිදී පදක්කමත් පුද්ගලික හොඳම කාලය ලෙස තත්පර 11.84 ක දක්ෂතාව දැක්වූ ලක්ෂිකා සුගන්ධී ලෝකඩ පදක්කමත් දිනා ගත්තාය.
| 13th SAG Games 2019 – Athletics Schedule | ||||
| 3rd Dec. 2019 | Day 1 | |||
| 1500m | M | Final | Lakmal 4th – 4:00.60sec Kupun 6th – 4:13.29sec |
|
| High Jump | M | Final | Ushan 4th – 2.10m Sanju 7th -1.95m |
|
| 1500m | F | Final | Nilani – Gold – 4:34.34sec Gayanthika – 4th |
|
| High Jump | F | Final | Dulanjalee – Silver – 1.69m | |
| 100M | M | Final | Himasha – Silver – 11.50sec Vinoj – 6th – 11.72sec |
|
| 100M | F | Final | Amasha – Silver – 11.82sec SB Sugandi – Bronze – 11.84 PB |
|
| 10000M | F | Final | Nilanthi Lanka – Bronze – 35:59:02mins Hiruni – 4th – 36:22:85mins |
|
