සාග් ගිහින් මහ පාරට වැටුණු ක්‍රීඩකයා
දකුණු ආසියානු ක්‍රීඩා උළෙලට සහභාගි වී සිටින ශ්‍රී ලංකා මලල ක්‍රීඩා කණ්ඩායමට ඊයේ නවාතැන් පහසුකම් සපයා ගැනීමේ දී අපහසුතා රැසකය මුහුණ පෑමට සිදුව තිබේ.
මෙරට වේලාවෙන් පස්වරු 1.00 ට නේපාලය බලා පිටත්ව ගිය කණ්ඩායම මෙරට වේලාවෙන් පස්වරු 4.30 ට පමණ නේපාලයට ළඟා වුවද ඔවුන් නවාතැන් ගෙන සිටි ස්ථානයට ළඟා වන විට රාත්‍රී 9.00 පමණ වී තිබූ බව වාර්තා වේ.
කෙසේ වෙතත් එම එම නවාතැනට ගිය පසු සම්පූර්ණ කණ්ඩායමට එහි නවාතැන් ගැනීමට ඉඩකඩ නොමැති බව වැටහී තිබේ.
කාමර 34 ක් මලල ක්‍රීඩා කණ්ඩායම වෙනුවෙන් වෙන්කර ඇති බව පවසා තිබුණද එහි ක්‍රීඩක ක්‍රීඩිකාවන් 62 කට හා පුහුණුකරුවන් සහායක කණ්ඩායමට ඉඩකඩ නොමැති වීම හේතුවෙන් අපහසුතාවට ලක්ව ඇත.
ක්‍රීඩිකාවන් එම පරිශ්‍රයේ රැඳවුවද ක්‍රීඩකයන් හා පුහුණුකරුවන්ට වෙනත් ස්ථාන ලබා දී ඇත්තේ ඉනි පැය කිහිපයකට පසුවවේ.
ක්‍රීඩා උළෙලට සහභාගීවන කණ්ඩායමට අවශ්‍ය නවාතැන් පහසුකම් හා වෙනත් පහසුකම් සැලසීම සංවිධායක මණ්ඩලයේ වගකීම වුවද, නිසි ලෙස අදාල අවශ්‍යතා සැලසී ඇද්දැයි සොයා බැලීමට මෙරට බළධාරීන්ටද වගකීමක් තිබේ.
තරගාවලියට පෙර නොයෙක් වාරවල නේපාලය බලා ගිය මේ පිරිස් අවම වශයෙන් මෙම නවාතැන් වෙත ගොස් ප්‍රමිතියෙන් යුතුද යන්නවත් සොයා බලා නොමැති බව මෙම සිදුවීමෙන් ගම්‍යවේ.
ශ්‍රී ලංකාව නියෝජනය කරමින් සහභාගීවන විශාලම කණ්ඩායම ලෙස ක්‍රීඩක ක්‍රීඩිකාවන් 64 ක් හා පුහුණුකරුවන් හා සහාය කණ්ඩායම සහභාගී වන අතර වැඩිම පදක්කම් සංඛ්‍යාවද එම කණ්ඩායමෙන් බලාපොරොත්තු වේ.
https://facebook.com/story.php?story_fbid=793921681048043&id=444744385565109
