කණිෂ්ඨ ශූරයන් රැක ගැනීමට වැඩපිළිවෙලක් – ක්‍රීඩා අමාත්‍ය මුස්තෆා (Video)
ජපානයේ පැවැති කණිෂ්ඨ මලල ක්‍රීඩා ශූරතාවලියේ දී පදක්කම් 9 ක් දිනාගත් කණ්ඩායම ඊයේ දිවයිනට පැමිණීමට එක්වෙමින්, එම ක්‍රීඩක ක්‍රීඩිකාවන් වෙනුවෙන් නව වැඩපිලිවෙලක් සකස් කිරීමට සැලසුම් කරන බව පැවසුවේය.
දක්ෂ ක්‍රීඩක ක්‍රීඩිකාවන් සොයා බලා ඔවුන්ට අවශ්‍ය පහසුකම් සලසාලමින් දීර්ඝ කාලීන වැඩපිලිවෙලක් සකස් කිරීමට බලාපොරොත්තුවන බව ද ඔහු වැඩිදුරටත් පැවසීය.
“රටවල් 45 ක් එක්ක තමයි තරග කළේ ඒ වගේම 13 න් පදක්කම් 9 ක් ලබා ගැනීම අපි ලබපු ලොකු ජයග්‍රහණයක්. අපි බලාපොරොත්තුවෙනවා මේ දරුවන්ට දීරඝ කාලීන වැඩසටහනක් ඇති කරල ඔලිම්පික ක්‍රීඩවෙත් මේ දරුවන්ගෙ ඉදිරි ගමන සලකල දක්ෂම පුහුණුකරුවන් ලබාගෙන හොඳ ඉදිරිගමනක් දෙන්න කටයුතු කරනවා. ”
ඉදිරියේ දී ජාත්‍යන්තර තරග සඳහා ක්‍රීඩක ක්‍රීඩිකාවන් සහභාගී කරවීමේදී නිර්ණායක කිහිපයක් කෙරෙහි අවධානය යොමු කරන බව ද ක්‍රීඩා අමාත්‍යවරයා මෙහිදී ඉඟි පළ කළේය.
“පොදුරාජ්‍ය මණ්ඩලයීය ක්‍රීඩා උළෙලට 83 ක් අපි යැව්ව. 83 ක් යවල ලබපු ප්‍රතිලාභයි 13 ක් යවල ලැබුණු ප්‍රතිලාභයි බලන කොට ලොකු වෙනසක් තියනව. අපි බලාපොරොත්තුවෙන්නෙ දක්ෂම ක්‍රීඩක ක්‍රීඩිකාවන් සොයල ඒ අයට අවශ්‍ය පහසුකම් ලබා දීල ඒ අගෙ ඉලක්ක වලට ගමන් කරන්න.”
Watch the arrival of Sri Lanka Junior Athletic team which won 9 medals creating history at the Asian Junior Athletic Championship 2018 which was Held in Gifu,Japan.
Posted by Faiszer Musthapha on Tuesday, June 12, 2018
