යොවුන් ආසියානු ශූරතාවලියේදී මොරටු පුතු නවිශ්කගෙන් රිදී පදක්කමක්
හොංකොං හී දී පැවැත්වෙන ආසියානු යොවුන් මලල ක්‍රීඩා ශූරතාවලියේදී මෙරට හිමිකරගත් පළමු පදක්කම දිනා ගැනීමේ වාසනාව නවිශ්ක සන්දීෂ්ට හිමි විය.
වයස අවුරුදු 18 න් පහළ ක්‍රීඩක ක්‍රිඩිකාවන් වෙනුවෙන් පැවැත්වෙන තරගාවලියට ශ්‍රී ලංකාව නියෝජනය කරමින් ක්‍රීඩක ක්‍රිඩිකාවන් 13 දෙනෙකු ඉදිරිපත් වන අතර, දෙවැනි දිනය වූ අද මීටර් 400 ඉසව්වෙන් රිදී පදක්කම නවිශ්කට හිමි විය.
ආසියාවේ ප්‍රභල කණ්ඩායම් සහභාගීවන මෙම තරගාවලියේ දී නවිශ්ක පදක්කම හිමිකරගත්තේ, තත්පර 48.26ක් වූ සිය උපරිම දක්ෂතාව ද දක්වා වීම විශේෂත්වයක් වේ.
මොරටුව සෙබස්තියන් විද්‍යාලයේ නවිෂ්ක සන්දීෂ් තේරීම් තරගාවලියේ දී, තත්පර 49.15 ක දක්ෂතාවක් දක්වමින් ආසියානු යොවුන් තරගාවලියට සුදුසුකම් ලබා ගත් අතර, ඊයේ පැවැති අවසන් පූර්ව වටයේ දී තත්පර 48.50 ක දක්ෂතාවක් දක්වමින් පුද්ගලික කාලය තත්පර 0.65 ක කාලයකින් වර්ධනය කරගැනීමට සමත් විය.
ඔහු එම කාලය තවත් වර්ධනය කරගනිමින් අවසන් තරගයේ දී, රිදී පදක්කම දිනා ගැනීම විශේෂත්වයක් විය.
තරගයේ වීඩියෝව
