ලෝක වාර්තාවකින්, පෝලන්තය ඇමරිකාවේ තටු ගලවයි

එංගලන්තයේ දී පැවැති ගෘහස්ත මලල ක්‍රීඩා ලෝක ශූරතාවලියේ දී, සුපිරි දක්ෂතා ප්‍රදර්ශනය කරමින් ලෝක වාර්තාවක් සමග මීටර් 400 සහාය දිවීමේ රන් පදක්කම දිනා ගැනීමට පෝලන්තය සමත්වීම කාගේත් අවධානය දිනාගත් අවස්ථාවක් වේ.

ඇමරිකාවේ ආධිපත්‍යට යටත් ව තිබූ ගෘහස්ත මලල ක්‍රීඩා මීටර් 400 සහාය දිවීමේ ඉසව්වේ, ඊයේ (04) මධ්‍යම රාත්‍රියේ දී පැවැති අවසන් තරගයේ දී ද ඇමරිකාව පසුවූයේ පැහැදිලි ඉදිරියක් තබා ගනිමිනි.

නමුත් අවසන් මීටර් 50 දී පමණ සිය උපරිමය දක්වා සටන් කළ එක් පෝලන්ත ක්‍රීඩකයෙකු හේතුවෙන් සියල්ල උඩු යටිකුරු විය.

අවසන් යෂ්ඨි හුවමාරුවෙන් පසුව තරග කළ යකුබ් ශවීනා පෝලන්තය වෙනුවෙන් මෙම ජයග්‍රහණය වාර්තා කළේ ඇමරිකාවට රන් පදක්කම මෙන්ම, ලෝක වාර්තාවද අහිමි කරමිනි.

වසර 14 කින් ඇමරිකාව, ගෘහස්ත මීටර් 400 සහාය දිවීමේ ඉසව්වෙන් පරාජය කිරීමට කිසිවෙකු සමත්ව නොවීය.

තරගයේ වීඩියෝව

https://www.youtube.com/watch?v=KJKyURkFxb8