උස පනින මංජුලට ඉන්දියාවෙන් අභියෝගයක්

දකුණු ආසියානු කලාපයේ උස පැනීමේ ශූරයා වන මංජුල කුමාරට අභියෝගයක් වීමට ඉන්දියානු ක්‍රීඩකයෙකු සමත්ව සිටියි.

මෙවනවිට ඇමරිකාවේ වෙසනෙ තේජාස්වින් ශන්කර් (Tejaswin Shankar) මෙම වසරේ ජනවාරි මස ගෘහස්ත තරගාවලියක දී, මීටර් 2.19 ක දක්ෂතාවක් දක්වමින් ඉන්දියානු ගෘහස්ත වාර්තාව තමන් සතු කරගත්තේය.

තවමත් 19 වැනි වියේ පසුවන ශන්කර්, නැවතතත් සාර්ථක වෙමින්, පසුගිය දා නැවතත්, මීටර් 2.28 ක දක්ෂතාවක් සමගින් ගෘහස්ත වාර්තාව අලුත් කළේය.

ඉන්දියානු උස පැනීමේ වාර්තාව වන මීටර් 2.26 ක දක්ෂතාව ද දක්වා ඇත්තේ,  තේජාස්වින් ශන්කර් වේ.

මංජුල කුමාර 2001 වසරේ සිට ජාත්‍යන්තර ක්‍රීඩා පිටියේ දක්ෂතා දැක්වූ අතර, 2004 හා 2005 වසර වල දී තම උපරිම දක්ෂතාව වූ මීටර් 2.27 ක උසක් තරණය කළේය.

මේවනවිට ඔස්ට්‍රේලියාවේ පුහුණුකටයුතු සිදුකරන මංජුල මෙම වසරේ දී තම උපරිම දක්ෂතාව හඹා යනු ඇතැයි විශ්වාසය තැබිය හැක.