මලල ක්‍රීඩාවට ඓතිහාසික දිනයක් – ආසියාවේ කිසිදු කණ්ඩායමකට නොලද වරම ශ්‍රී ලංකාවට
මීටර් 4×400 අවසන් තරගයට සුදුසුකම් ලබා ගත් ශ්‍රී ලංකා බාලක කණ්ඩායම අද අවසන් තරගයට සහභාගීවන්නේ පළමු මංතීරුවෙන් වන අතර මෙහිදී ප්‍රභල කණ්ඩායම් රැසකට එරෙහිව තරග වැදීමට නියමිත වනු ඇත.
කෙසේ වෙතත් මෙම තරගාවලියේ දී මීටර් 400 සහාය කණ්ඩායම් දැක්වූ දක්ෂතා සැලකීමේ දී අද තරගය සම්බන්ධයෙන් පූර්ව නිගමනයකට ඒමට නොහැක.
අද සහභාගීවන කණ්ඩායම් අතරින් ඇමරිකාව හා බ්‍රිතාන්‍යයට අමතරව අන් කිසිදු කණ්ඩායමක් මෙම වසර තුළ මිනිත්තු 3:08’00 සීමාවට අඩුවෙන් තරග අවසන් කර නොමැත.
| LANE | BIB | ATHLETE | COUNTRY | PB | SB 2018 |
|---|---|---|---|---|---|
| 1 | SRI | SRI LANKA U20 |  |
3:08.21 | 3:08.21 |
| 2 | GER | GERMANY U20 |  |
3:04.58 | 3:08.53 |
| 3 | ITA | ITALY U20 |  |
3:06.46 | 3:08.35 |
| 4 | USA | UNITED STATES U20 |  |
3:00.33 | 3:05.57 |
| 5 | AUS | AUSTRALIA U20 |  |
3:04.74 | 3:08.53 |
| 6 | GBR | GREAT BRITAIN & NI U20 |  |
3:03.80 | 3:07.17 |
| 7 | BEL | BELGIUM U20 |  |
3:05.74 | 3:09.39 |
| 8 | FRA | FRANCE U20 |  |
3:05.41 | 3:08.78 |
ශ්‍රී ලංකා කණ්ඩායම පසුගිය මැයි මස කොළඹ දී, මිනිත්තු 3:08’21 ක දක්ෂතාවක් දැක්වීම මෙතෙක් ඉතිහාසයේ ශ්‍රී ලංකා කණිෂ්ඨ කණ්ඩායමක් දැක්වූ ඉහළම දක්ෂතාව වන අතර, අය අද අවසන් තරගයට සහභාගීවන්නන් අතර මෙම වසරේ දක්වා ඇති තෙවැනි හොඳම කාලයද වේ.
යම් හෙයකින් ශ්‍රී ලංකා කණ්ඩායම අද නැවතත් සුපුරුදු රිද්මයෙන් උපරිම දක්ෂතාව දැක්වුවහොත් ඉතිහාසය වෙනස් කරමින් ලෝක මට්ටමේ පදක්කමකට යෑමේ අවස්ථාව ද උද්ගත වනු ඇත.
කෙසේ වෙතත්, පූර්ව නිගමනයන්ට පැමිණීම කණ්ඩායමේ දක්ෂතා හීන කිරීමට හා වැඩි බලාපොරොතුත් ලබා දීමට රැකුලක් වනු නො අනුමානය.
මලල ක්‍රීඩාව ඉතා දියුණු මට්ටමක ඇති ආසියානු කරයේ ධනවත් හා ප්‍රභල රාජ්‍යයන්ගේ එකදු කණ්ඩායමක් හෝ මෙම අවසන් තරගයේ ස්ථානයක් හිමිකරගැනීමට අපොහොසත්වීමෙන්ම ශ්‍රී ලංකා කණ්ඩායමේ දක්ෂතාවය පැහැදිලි කරයි.
