ලබන මස 21 වැනිදා සිට පැවැත්වෙන ආසියානු ශූරතා මලල ක්‍රීඩා තරගාවලියට කණ්ඩායම තොරාගැනීමේ අවසන් තේරීම් තරගාවලිය ඊයේ අවසන් විය.
තරගාවලියේ තොරතුරු
එහිදී මෙන්ම පළමු තේරීම් තරගාවලියේ දී දැක්වූ දක්ෂතා පදනම් කරගනිමින්, කණ්ඩායම තොරාගැනීමට නියමිත වේ.
කෙසේ වෙතත්, මෙවර කණ්ඩායමට කිසිදු සහාය දීවීමේ කණ්ඩායමක් නොගැනීමේ අවධානමක් ඇත.
පසුගිය වසර කිහිපය තුළ දක්ෂතා අතර පෙරමුණේ පසුවූ ක්‍රීඩක ක්‍රීඩිකාවන් කිහිප දෙනෙකුම මෙම තේරීම් තරගාවලි සඳහා සහභාගී නොවීම මෙන්ම ආබාදවලට ලක්ව සිටීම ඊට හේතුවේ.
විනෝජ් සුරංජය ද සිල්වා අනතුරකට ලක්වීම හේතුවෙන් මීටර් 100 සහාය කණ්ඩායමක් තෝරාගැනීමේ ගැටලුවක් මතුව තිබේ. තේරීම් තරගාවලි දෙක අවසානයේ වේගවත්ම කාලයන් වාර්තා කිරීම් ගත් කළ තත්පර 10.50 ට අඩු කාලයන් වාර්තා වී ඇත්තේ දෙකක් පමණි.
අතක අස්ථි බිඳීම හේතුවෙන්, රොහල් ගතව ප්‍රථිකාරගත් විනෝජ් සුරංජයට ආසියානු ශූරතා තරගාවලියට සූදානම් වීමට ඇති කාලය ඉතා අවම වනු ඇත.
| Seasonal Best | Name |
| 10.22 | Himasha Eshan |
| 10.27 | Vinoj Suranjaya De Silva |
| 10.52 | Mohommad Safan |
| 10.57 | Surendra Kumara |
| 10.57 | Shehan Ambepitiya |
| 10.57 | BDCS Darmakirthi |
| 10.62 | Kavindu Rajakaruna |
| 10.65 | P.G.G.C. Ranaweera |
| 10.69 | ALM Ashroff |
මේ අතර, කාන්තා මීටර් 100 සහාය දිවීමේ කණ්ඩායමක් සම්බන්ධයෙන් තිබූ අවස්ථාව ද මග හැරිණ. පසුගිය වසර කිහිපය තුළ දීම කෙටි දුර දිවීම් ඉසව්වල වේගවත්ම ක්‍රීඩිකාව වූ රුමේෂිකා රත්නායක තේරීම් තරග දෙකටම සහභාගී නොවීම හේතුවෙන් ඇයට සුදුසුකම් සැපිරීමේ අවස්ථාව මගහැරිණ.
රුමේෂිකා පසුගිය වසරේ දී පොදුරාජ්‍ය මණ්ඩලයීය ක්‍රීඩා උළෙලට හා ආසියානු ක්‍රීඩා උළෙලට සහභාගී වු අතර, එහි දී දැක්වූ දක්ෂතා පදනම් කරගනිමින් ආසියානු ශූරතා මලල ක්‍රීඩා තරගාවලියට තෝරා ගැනීම සැකසහිතවේ.
ඇය නොමැති වීම හේතුවෙන් මෙම වසරේ මීටර් 100 ඉසව්වෙන් දක්ෂතා දක්වා සිටින සෙසු ක්‍රීඩිකාවන්ට ද ආසියානු ශූරතා මලල ක්‍රීඩා තරගාවලිය අහිමිව යනු ඇත.
මීටර් 100 ඉසව්වෙන් මෙම වසරේ ක්‍රීඩිකාවන් දැක්වූ දක්ෂතා
| Seasonal Best | Name | Personal Best |
| Rumeshika Ratnayake (Not participated in both trials) |
11.51 | |
| 11.90 | Amasha de Silva | 11.71 |
| 11.93 | Shelinda Jansen | 11.93 |
| 11.99 | Shermila Jans | 11.99 |
| 12.08 | Sadeepa Henderson | 12.08 |
| 12.14 | Shafiya Yamick | 12.14 |
| 12.18 | WVL Sugandi | 11.91 |
කාගේත් අවධානයට හා බලාපොරොත්තු සුන් කරමින්, මීටර් 400 පිරිමි සහාය දිවීමේ ඉසව්වට කණ්ඩායමක් තෝරාගැනීම බරපතල ගැටලුවක් ව තිබේ.
පසුගිය වසරේ වේගවත්ම ක්‍රීඩකයන් වූ, අරුණ දර්ශන, කාලිංග කුමාරගේ හා දිලිප් රුවන්ගේ සහාය මෙම වසරේ නොලැබීම ඊට හේතු වී තිබේ.
කාලිංග කුමාරගේ තහනම් උත්තේජක ලබා ගත් බවට චෝදනා එල්ල වීම හේතුවෙන්, තහනමට ලක්ව සිටින අතර, දිලීප් රුවන් ද ආබාදයක් හේතුවෙන් මෙම වසරේ පුහුණුකටයුතු ආරම්භ කර නොමැත.
කලව ප්‍රදේශයේ ආබාද තත්වයක් හේතුවෙන්, ප්‍රථිකාර ගනිමින් සිටින අරුණ දර්ශන ද තරගාවලියට පෙර සම්පූර්ණ සුවය ලැබිය යුතු වේ.
| Seasonal Best | Name | Personal Best |
| 48.80 | Aruna Dharshana (Pulled out due to an injury in 2nd Trails) |
45.78 |
| Kalinga Kumarage (Provisionally Suspended) |
45.99 | |
| 46.52 | M.G.A. Premakumara | |
| 46.98 | A.M.L.P. Gunarathna | |
| 47.23 | PMPL Kodikara | |
| 47.28 | AMLP Gunarathna | |
| 47.66 | PMWGT Dananjaya |
තේරීම් තරගාවලියේ දී, බලාපොරොත්තු වූ දක්ෂතා දැක ගැනීමට නොහැකි වීම මත මීටර් 400 කාන්තා සහාය කණ්ඩායමට ද සමාන ඉරණමක් හිමිව තිබේ. නදීෂා රාමනායක නැවත තත්පර 54 ට අඩු සීමාවට පැමිණියද සෙසු ක්‍රීඩිකාවන් එම සීමාව ආසන්නයට හෝ පැමීණීමට සමත්ව නැත. මීටර් 800 අවසන් තරගයට සහභාගී වී සිටි ඩිල්ශි කුමාරසිංහ එම තරගය අවසන් ව පැයක් පමණ කාලයක් තුළ නැවත මීටර් 400 ඉසව්වේ අවසන් තරගයට ද සහභාගී වීම හේතුවෙන්, දෙවැනි තේරීම් තරගාවලියේ දී පුද්ගලික හොඳම දක්ෂතාවට ළඟාවීමට අපොහොසත් වූවාය.
මීටර් 400 ඉසව්වේ මූලික වටයේ තරග පැවැත්වීමට නියමිත වූ එම අවස්ථාවේ ක්‍රීඩිකාවන් අවම සංඛ්‍යාවක් සිටීම හේතුවෙන්, අවසන් තරගය පවත්වා තිබේ.
මෙම වසරේ මීටර් 400 දක්ෂතා
| Seasonal Best | Name |
| 53.47 | Nadeesha Ramanayaka |
| 54.94 | Dilshi Kumarasinghe |
| 54.98 | Nimali Liyanarachchi |
| 55.14 | Upamalika Rathnakumari |
| 55.60 | Nirmali Madushika |
| 55.86 | Omaya Udayangani |
| 55.89 | Romeshi Attidiya |
